ٹٹیری۔۔۔۔۔۔ٹٹاں ٹٹاں ٹٹاں۔۔۔۔۔۔۔۔۔۔۔Red Wattled Lapwing
*ٹٹیری کی آواز ایک ناسٹلجیا!
*ٹٹیری کے انڈوں کا ایک عجیب و غریب فائدہ!
اگر آپ گاؤں دیہات میں رہتے ہیں۔ اندھیری رات کو صحن میں بچھے پلنگ پر چادر بچھائے تکئے پرسررکھے آسمان پر چمکتے تاروں کو دیکھتے ہوئے نیند آجاتی ہے۔ ایسے میں کبھی کبھی کسیخاص موسم میں خاص طور پر چاول کی فصلوں میں جب پانی کھڑا ہو یا دوسری کوئ اناج کیفصل تیار کھڑی ہو یا گرمیوں کی برسات میں جب جگہ جگہ گڑھوں میں پانی کھڑا ہوتا ہے تو راتکے اس خاموش ملگجے اندھیرے والے سناٹے میں آپ نے یہ آواز ضرور سنی ہوگی جو اس آرٹیکلکے ساتھ منسلک وڈیو میں موجود ہے۔
یہ دراصل ایک پرندے ٹٹیری کی آواز ہے۔ اس پرندے کو غالبا” یہ نام اس کی آواز کی وجہ سے ہیدیا گیا ہے۔ اس کی آواز سُن کر ایسا لگتا ہے جیسے یہ کسی خطرے کے خلاف سائرن بجارہی ہو۔واللہ اعلم! عام طور پر باگڑی لوگ مٹی، رنگین کاغذ اور ربر بینڈ کی مدد سے ایک کھلونا بھی بناتےہیں جس کو گھمانے پر ٹٹیری جیسی آواز نکلتی ہے اور اسی مناسبت سے یہ کھلونا بھی ٹٹیریکہلاتا ہے۔
یہ پرندہ کراچی میں بھی ہوتا تھا۔ اکثر پارکوں یا ایسے میدانوں میں کہ جہاں واٹر بورڈ کی لائنمیں رسائو ہونے کی وجہ سے مستقل پانی جمع ہوتا رہتا ہو وہاں اس کا ایک یا دو کا جوڑا نظر آتاتھا۔بشرطیکہ وہ میدان بائونڈری وال سے محفوظ ہو۔ گلشن اقبال بلاک 11 میں ہمارے اپارٹمنٹس کےسامنے بھی ایک ایسا ہی میدان تھا جس کے چہار اطراف بائونڈری تھی۔ ہمارا اپارٹمنٹ کیونکہچوتھی منزل پر واقع تھا تو اس کی بالکونی سے اس میدان کا نظارہ صاف نظر آتا تھا۔ اندر کیکرکی جھاڑیاں تھیں اور ان کے درمیان صاف پانی کا ایک گڑھا سا تھا جس کے پاس ایک ٹٹیری کاجوڑا رہتا تھا۔ اکثر رات میں اس کی ٹٹیں ٹٹیں کی آواز ایک عجیب تاثر دیتی تھی۔خاص طور پرچاندنی راتوں میں ان کی مستی قابل دید ہوتی تھی۔ اس چاندنی میں ٹٹیری کی آواز گویا ایک درداور جدائ کا احساس دلاتی ہے جیسے کوئ اپنے من چاہے محبوب کی جدائ میں دلسوز بین کرتاہو۔ ہم اکثر اپنی بالکونی سے اس جوڑے کی سرگرمیوں کا جائزہ لیتے تھے۔ ہمارے سامنے ہی اسنے دو مرتبہ انڈے بھی دئے اور بچے بھی نکلے۔ کراچی جیسے شہر میں یہ ماحول اور نظارہ یقینا" ایک عنقا چیز تھی۔ یہ دن بھر غائب رہتیں لیکن عصر کے وقت سے اپنا ڈیرہ پانی کے کنارےجھاڑیوں میں ڈالتی تھیں۔ یہ جوڑا گڑھے کے پانی میں خُوب ڈُبکیاں لگاتا اور پروں کو پھڑپھڑاتا۔ انکو گھاس پر کیڑے مکوڑے چگتے دیکھنا ایک بڑا دلچسپ نظارہ ہوتا تھا۔ البتہ میں نے کبھی ان کواپنے پائوں آسمان کی طرف کر کے سوتے نہیں دیکھا کہ شاید رات میں اندھیرے اور جھاڑیوں کیوجہ سے یہ مشاہدہ ناممکن تھا۔ پھر اس پلاٹ پر اکائونٹنٹ جنرل کے آفس کی بلڈنگ بن گئی اورجانے یہ ٹٹیریوں کا جوڑا کہاں ہجرت کر گیا۔ لیکن ولیم ورڈس ورتھ کے ڈیفوڈلز کی طرح وہخوبصورت نظارہ آج بھی میرے ذہن میں محفوظ ہے بلکہ ایک ناسٹلجیا بن چکا ہے۔
ٹٹیری
یہ ایشیا کے گرم علاقوں میں پایا جانے والا چھوٹے سے بگلے کے برابر ایک پرن٘دہ (اس کی ٹانگیں کچھ دراز ہوتی ہیں اس کی پیٹھ سیاہ اور شکم سفید ہے چون٘چ دراز جس کا اول کا آدھا حصہگلابی اور آخر کا آدھا حصہ سیاہ ہوتا ہے اکثر تالابوں اور پانی کے پاس ہوتا ہے رات کو آواز دے کراُڑتا ہے۔ ٹٹیری ایک نہایت خوبصورت پرندہ ھے۔ انگریزی میں اس کو
( Red Wattled Tapwing) کہا جاتا ہے۔
یہ اپنی لمبی ٹانگوں کی مدد سے بہت تیز رفتار سے دوڑنے میں مہارت رکھتا ھے۔ یہ پرندہ گھونسلہنہیں بناتا بلکہ اس کا بسیرا زمین پر ہے۔ یہ جوڑا ایک دوسرے کی حفاظت کے لئے اپنی آواز سےباخبر کر دیتا ھے اور شور اور اپنی چونچ مار کر دشمن جانور کو بھاگنے پر مجبور کر دیتا ھے - عام طور پر چشموں تالابوں یا جھیلوں کے نزدیک پایا جاتا ہے۔ چاول کے کھیتوں کے آس پاس بھیرہتا ہے۔
ٹٹیری کے بارے میں ایک کہاوت بڑی مشہور ہے کہ یہ پرندہ سوتے وقت اپنی ٹانگیں آسمان کی طرفاٹھا کر سوتا ہے کہ کہیں آسمان نہ گر جائے۔ رات کو جب یہ پرندہ اپنی مخصص آواز میں ٹٹاںٹٹاں کرتا ہے تو بڑے بوڑھے کہتے ہیں کہ یہ بارش کی دعا مانگتا ہے۔
انڈے
ان کی افزائش کا موسم بنیادی طور پر مارچ تا اگست ہے۔ مادہ کو رجھانے لُبھانے کے لئے نر اپنےپروں کو پُھلاتا ہے اور اپنی چونچ کو اوپر کی طرف اٹھا کر مادہ کے گرد گول گول چکر لگاتا ہے۔
ٹٹیری عام طور پر چار انڈے دیتی ھے - میدان یا کسی کھیت کے درمیان یا بعض اوقات ویرانمکانوں کی چھت پر بھی انڈے دیتی ھے۔ اس کے انڈوں پر ہلکے سیاہ، سفید اور سُرمئ رنگ کےدھبے ھوتے ہیں جو ان کو زمین کی رنگت اور جھاڑیوں میں کیموفلاج کردیتے ہیں جس کی وجہ سےدشمن جانور اور پرندوں کی نظر سے بھی محفوظ رہتے ہیں ۔
ٹٹیری کے بچے
ٹٹیری کے بچے بہت ذیادہ خوبصورت ھوتے ھے -
نہایت ہوشیار اور تیز۔ اس کے بچوں کے جسم پر دھاری دار بال ہوتے ہیں۔ کسی دشمن جانور یاپرندہ مثلا چیل کو دیکھتے ہی یہ اپنا سر نیچے اور دم اوپر اُٹھا کر آس پاس موجود سوکھی گھاسکی مانند ہوجاتے ہیں۔ اس طرح کیموفلاج ہونے سے ان کی جان بچ جاتی ہی۔ بچوں کو خطرے میںدیکھ کر ٹٹیری نر اور مادہ بہت ذیادہ شور کرتے ہیں۔ اور چونچ مار کر دشمن جانور کو بھاگنے پرمجبور کر دیتے ہیں۔ جب خطرہ ٹل جاتا ہے تو مادہ اپنے بچوں کو اکٹھا کرنے کے لئے مخصوصآواز نکالتی ہے اور بچے بھاگ کر ماں کی طرف لپکتے ہیں۔
ٹٹیری کے انڈوں کا عجیب و غریب فائدہ:
اس کے انڈوں کا کمال یہ ھے کہ اگر کسی مرگی والے مریض کو کھلا دیا جائے تو مرگی کا مریضپانچ منٹ میں نہ صرف ٹھیک ھو جاتا ھے بلکہ پھر زندگی بھر اس کو مرگی کے مرض سےچھٹکارہ مل جاتا ہے۔ یہ یاد رکھئے کہ بغیر ضرورت کسی بھی پرندے کے انڈوں کو توڑنا بہتسخت گناہ ھے۔
مرگی کا علاج:
جب مرگی کے مریض کو مرگی کا دورہ پڑے تو اس دورے کے درمیان کوئی دوسرا آدمی ٹٹیری کاانڈا توڑ کر مریض کے منہ میں ڈال دے اور یہ بھی خیال رکھا جائے کہ یہ کچا انڈا کھانا ھے باہرگرنے نہ پائے ان شاءاللہ تعالی مریض کو مرگی کے مرض سے ہمیشہ ہمیشہ کے لئے جان چھوٹجائے گی۔ حکیم اور سنیاسی حضرات اس کو مرگی کا مجرب ترین علاج بتاتے ہیں۔ واللہ اعلم!
اگر آپ نے رات میں اپنے صحن میں بچھے پلنگ پر تاروں بھرے آسمان کو تکتے ہوئے کبھی سناٹےکو چیرتی ہوئ ٹٹیری کی آواز سنی ہے تو یقینا” آپ زندگی میں کبھی دوبارہ اس کی آواز سنیں گےتو لازمی آپ خود کو دوبارہ اُسی رات کی دھندلی تاریکی، خنک ہوا اور خاموشی میں اپنے پلنگ پرلیٹا محسوس کریں گے۔
تحریر✍🏻
Sanaullah Khan Ahsan
#sanaullahkhanahsan
#ثنااللہ_خان_احسن
#Tatiri
#redwattledlapwing
#Red_wattled_lapwing
#ٹٹیری
29/11/2022
کوئی تبصرے نہیں:
ایک تبصرہ شائع کریں