گلِ بکاؤلیGUL-E-BAKAWALI
اندھوں کو بینائ بخشنے والا تصوراتی پھول!
کیا ایسا کوئ پھول حقیقت میں موجود ہے!
گل بکاؤلی کی کہانی آپ نے بچپن میں ضرور پڑھی ہوگی۔ اپنے بچپن میں ہم جب بھی گل بکاؤلیکی کہانی سنتے تو تصور میں خود کو بھی شہزادہ تاج الملوک تصور کرتے۔ ہمارے محلے کی ایکبُوڑھی پھُوس جگت نانی جو کہ نابینا تھیں اور اپنے گھر کے دروازے پر بیٹھی رہتی تھیں۔ ہر گزرنےوالا ان کو زور سے “ نانی سلام” کہتا اور نانی کی زبان سے اس کے لئے دعاؤں کا سیلاب جاریہوجاتا۔ ہمارے لئے یہ بڑا دلچسپ مشغلہ تھا کہ آتے جاتے نانی کو سلام جڑتے اور ان کی دعاؤںسے مستفید ہوتے۔ گل بکاؤلی کی کہانی سُنتے تو ہمارے دل میں بھی یہ خواہش جاگتی کہ کسیطرح ہم کو یہ پھول مل جائے تو نانی کی آنکھوں میں اس کا زیرہ لگا کر ان کی بینائ واپس لے آئیںتاکہ نانی ہم کو صرف آواز سے پہچاننے کے بجائے ہماری شکل سے بھی پہچاننے لگیں۔ اب خداجانے ہماری اس معصوم خواہش میں نانی کی بینائ واپس لانے کی تمنا کا عمل دخل زیادہ تھا یاپریوں کی شہزادی بکاؤلی کا حصول۔ ویسے بھی بچپن میں کسی خوبصورت و حسین شہزادی کاحصول یا قرب صرف اس مقصد کے لئے درکار ہوتا ہے کہ اس کے ساتھ بیٹھ کر ڈھیر ساری باتیںکی جائیں، جھولے کی پینگیں بھری جائیں اور وہ آپ سے پرشفقت برتاؤ کرے، آپ کے ساتھ کھیلےگھومے پھرے اور رات کو اپنی گود میں آپ کا سر رکھ کر بالوں میں انگلیاں پھیرتے ہوئے لوری سُناکر آپ کو سُلادے اور بس۔ البتہ مردِ بالغان کی نیت بدل جاتی ہے اور گندی صحبت کے نتیجے میںالٹی سیدھی باتیں سیکھ کر وہ خوبصورت خواتین کا حصول کچھ دوسرے غیر اخلاقی مقاصد کےلئے چاہنے لگتے ہیں۔
گُل بکاؤلی دراصل پنڈت دیا شنکر نسیم نے اردو زبان کی مشہور مثنوی داستان ’’گلزارِ نسیم‘‘ میںایک انوکھے پھول ’’گلِ بکاولی‘‘ کا تذکرہ کیا ہے جس سے شہزادہ تاج الملوک اپنے نابینا باپ کیآنکھوں کا علاج کرتا ہے۔ اس پر پاکستان میں فلم بھی بن چکی ہے۔ میں نے یہ فلم تو نہیں دیکھیلیکن اس کا پوسٹر میرے بچپن کی یادوں میں سے ایک بہت گہری یاد ہے۔
بچپن میں ہم جب اپنے دادا کے ساتھ بازار جاتے تو بازار سے پہلے گلی کے کونے پر ایک بڑے میاںجو ممن کے نام سے مشہور تھے کی دکان تھی۔ بڑے میاں کی عمر ستر سے کم تو کیا ہی ہوگی۔ یہدکان بہت پرانے انداز کی تھی جس کا دروازہ دو پٹوں والا موٹی لکڑی کا تھا جو کثرت استعمالسے تیل اور میل میں چکٹ کر سیاہ رنگت اختیار کرچکا تھا۔ ممن کی دکان مجھے کوئ عجائبخانہ یا کباڑ خانہ لگتی تھی۔ دکان کے اگلے حصے میں تو ممن سستے موسمی پھل رکھ کر دکانکے وسط میں اینٹوں کے فرش ہر دو تین میلی چکٹ گدیوں پر بیٹھا حقہ گڑگڑاتا ہوتا۔ دکان اتنیچھوٹی تھی کہ اپنی مسند پر بیٹھے بیٹھے ہر چیز اس کے ھاتھوں کی دسترس میں تھی۔ ایکطرف کچے پکے جنگلی بیروں کا ڈھیر تو دوسری طرف چھوٹی چھوٹی کچی کیریاں، یا چھوٹیچھوٹی نارنگیاں، مٹی کے تیل کا کنستر، دکان کے دروازے پر دھاگے میں لٹکی لپٹن چائے کی ساشےنما تھیلیاں، کھٹ مٹھوں کی گولیاں، جبکہ دکان کے پچھلے حصے میں دوسری کوٹھری میں جوکچھ کاٹھ کباڑ بھرا ہوا تھا اس کو احاطہ تحریر میں لانا بڑا مشکل ہے۔ دکان میں روشنی کا واحدذریعہ دیوار میں چھت کے قریب موجود ایک لوہے کی سلاخوں والا روشندان تھا جس سے سورج کیروشنی چھن چھن کر دکان کے عین درمیان میلے کچیلے فرش پر دھوپ کے قتلے بناتی تھی۔ پرانیلالٹینیں اور گیس بتی ، مٹی کی بنی حقے کی چلمیں، چند مٹکے، زنگ خورہ ٹین کے کنستر اورڈبے، ایک دیوار پر انتہائ دھندلا سا گتے کا کیلنڈر بھی لگا ہوا تھا جس پر واٹر بریز کمپائونڈ نامیٹانک کی بوتل بنی تھی جس پر سن 1965درج تھا۔ اس کی علاوہ بھی 1950 سے بھی پہلے کےکیلنڈرز اس نے دیواروں پر لگائے ہوئے تھے جو شاید اپنی تاریخ اجرا سے ہی اس کی دکان کیدیواروں پر لٹکے ہوئے تھے۔
لیِلا چٹنس کی تصویر والا لکس صابن کا کیلنڈر جس پر لکس کی قیمت ساڑھے تین آنے درج تھی۔لیلا چٹنس وہ بھارتی ھیروئن تھی جو انڈیا میں پہلی بار لکس صابن کی ماڈل بنی۔ یہیں سے لکسنے فلمی اداکاراؤں کو اپنی اشتہاری مہم کا حصہ بنانا شروع کیا اور یہ روایت ایسی قائم ہوئ کہلکس آج تک دنیا بھر کے فلمی ستاروں کا حسن بخش صابن بنا ہوا ہے۔ یہ اشتہار 1937-38 کےرسائل و اخبارات میں چھپتا تھا۔ ایسا لگتا تھا کہ بڑے میاں نے اپنے جوانی کے دور کو ان کیلنڈرزکے ذریعے قید کرلیا تھا۔
| لِیلا چٹنس کا لکس اشتہار 1938 |
دوڑ پیچھے کی طرف اے گردش ایام تو
ہاں دکھا دے اے “تصویر” پھر وہ صبح و شام تو
ممن نے اپنی دکان کے چاروں طرف دیواروں پر نہ جانے کونسی باوا آدم کے زمانے کی فلموں کےپوسٹرز چسپاں کر رکھے تھے۔ ان پوسٹرز میں جو ایک بچپن سے میرے شعور اور لاشعور میں چپکگیا ہے وہ فلم گل بکاؤلی کا پوسٹر تھا۔ چار رنگی چھپائ والے اس پوسٹر پر ایک خوبصورتشہزادی اپنے چھپر کھٹ پر نیم دراز، ، ایک پگڑی نما تاج پہنا خوبرو شہزادہ، پریوں اور ایک دیوکی تصویر بنی ہوئ تھی۔ بھیانک شکل اور بڑے بڑے بالوں اور پھٹی پھٹی آنکھوں والا دیو جس کےہونٹوں سے ڈریکولا جیسے دودانت باہر نکلے ہوئے تھے اور ایک ھاتھ میں انسانی ھڈی۔ ممن کیدکان سے ہم کبھی کچھ نہ لیتے لیکن دادا جان لازمی کچھ دیر دکان کے ٹھیے پر بیٹھ کر ممن سےباتیں کیا کرتے تھے۔ جب تک دادا جان ممن سے باتیں کرتے میرا دلچسپ مشغلہ دکان میں لگے فلمیپوسٹرز کو بغور دیکھنا ہوتا تھا۔ میں نے آپ کے لئے بڑی تلاش کے بعد گل بکاؤلی کا وہ پوسٹر ڈھونڈنکالا اور اس کالم کے ساتھ تصاویر میں موجود ہے۔
گل بکاؤلی کی مثنوی گلزار نسیم میں کہانی مختصراً یہ ہے کہ شہزادہ تاج الملوک کا باپ نابیناہوجاتا ہے۔ ایک بوڑھا شاہی حکیم اس کے علاج کے لئے پرستان میں واقع پریوں کی شہزادی کے باغمیں موجود تالاب میں کھلے ایک پھول کا زیرہ تجویز کرتا کہ اگر اس پھول کا زیرہ بادشاہ کیآنکھوں پر لگایا جائے تو اس کی بینائ واپس آسکتی ہے۔ شہزادہ اپنے باپ کے اندھے پن کا علاجکرنے کے لیے ایک ایڈونچر سے بھرپور مہم کے بعد پریوں کی شہزادی بکاولی کے باغ سے پھولچرالیتا ہے۔ بکاولی اپنے پھول کی تلاش میں نکلتی ہے لیکن شہزادے کو دیکھ کرپہلی ہی نظر میںاس کی محبت میں گرفتار ہو جاتی ہے۔ بکاولی کی ماں اپنی بیٹی کو ایک آدم زاد کے ساتھ پاکر آگبگولا ہو جاتی ہے اور شہزادے کو زیرِ زمین قید کر دیتی ہے۔ لیکن شہزادی کی وفادارسہیلی دلبر کیوجہ سے غلط فہمیاں دور ہوتی ہیں۔
اس مثنوی میں روح افزا نامی پری کا بھی ذکر ہے جو آخر میںتاج الملوک اور بکاولی کی شادی کرواتی ہے۔ حکیم سعید کے والد حکیم عبد المجید روح افزا کے کردارسے اتنے متاثر ہوئے کہ 1906 میں اپنے ہمدرد دواخانے کے شربت کا نام روح افزا رکھا اور یہ نامایسا مشہور ہوا کہ آج ایک صدی سے زیادہ گزرنے کے بعد بھی روح افزا کے نام کا ڈنکا بجتا ہے۔
اب پنڈت دیاشنکر نے تو خدا جانے اپنی مثنوی میں کس تصوراتی پھول کا ذکر کیا ہے لیکندرحقیقت ایک پھول واقعی ایسا ہے جو آنکھوں کے امرض میں بہت مفید ہے۔ پنڈت دیا شنکر کیکہانی کی رعایت سے آپ اس کو گل بکاؤلی کہہ سکتے ہیں۔
 |
| انڈیا کی فلم گل بکاؤلی 1963 |
کنول یا گل بکاوَلی کے شہد سے آنکھو ں کا علاج
ڈاکٹروحکیم نصیر احمد طارق لکھتے ہیں کہ
“بہت سال پرانا واقعہ یاد آرہا ہےکہ میرا ایک وید دوست آنکھوں کے کئی امراض کا علاج کرتا تھا۔یہا ں تک کہ وہ آنکھوں میں پانی اُتر آنے کا علاج بھی بغیر آپریشن دوا سے ہی کرتا تھا اور اُسزمانے میں شہد کنول کی ایک شیشی آٹھ روپے میں دیتا تھا جو ایک تولہ وزن کی ہوتی تھی ۔ یہشہد آنکھ میں ڈالنے سے دو تین ماہ کے اندر آنکھ میں اترا ہوا پانی زائل ہو جاتا اور بغیر آپریشنکے موتیا بنددرست ہو جاتا تھا۔میں اپنے دوست سے نسخہ پوچھتا رہا مگر وہ ٹالتا رہا ۔ بالآخر اُسنے مجھے بتایا کہ یہ صرف شہد کی مکھی کا وہ شہد ہے جو کنول سے تیار کرتی ہے جو سفید ہوتاہے اور اس میں بغیر کسی دوا کی آمیزش کے وہ شہد ہی بطور دوا کے سلائی سے آنکھ میں لگوایاکرتا تھا ۔بات آئی گئی ہو گئی اور میں اس پر مزید تجربات نہ کر سکا
 |
| کنول کا پھول |
۔برسوں کے بعد میرے دوستحکیم صاحب نے مجھے اپنے والد جو بڑے نامور طبیب تھے ، کے ایک نسخے کا ذکر کیا ۔ ان کے والدہومیو پیتھک دوا
“سن ریر یا مار ٹیما “ ( Cineraria maritima)
تیار کرتے تھے۔ یہ دوا باہر سے آتی ہے۔ وہ اس بوٹی کے لئے کسی جھیل یا تالاب پرجا تے تھےاوروہا ں سے اس کا پھول لاتے تھے۔یہ پھول نیلے رنگ کا ہوتا تھا۔ اکثر تالاب والے مقامات پر یہ بوٹیبڑے بڑے پتوں والی سبز ہوتی ہےاور جو بڑے جوہڑوں یا تالابوں میں پھیل جاتی ہےاور تمام تالاب اسسے بھرجاتا ہے۔ اُس میں نیلے رنگ والا پھول بھی لگتا ہے۔ ان کے والد صاحب کہتے تھے کہ اسسے “سن ریریا مارٹیما” کا ٹنکچر تیار ہو جاتا ہے جو ابتدائی موتیا بند کو تین چار ماہ استعمالکرنے سے دور کر دیتا ہے۔ ہومیو میوپیتھی میں یہ دوا بڑی مشہور و مقبول ہے۔
جہاں تک میری معلومات ہیں “اس دوائی سے 50 فیصدی کو کچھ فائدہ ہو جاتا ہے ، تمام کوفائدہ نہیں ہوتا ۔ اس سلسلے میں مزید تجربات اور تحقیق کی ضرورت ہے مگر اس سلسلہ میں مزیدکوئی قدم آگے نہیں بڑھایا گیا جو کچھ حا صل ہے ہم اس کو ہی لئے بیٹھے ہیں، اس
سے کچھ بھیآگے نہیں بڑھے۔
حکیم صاحب کے والد صاحب اس بوٹی کا نام گل بکاؤلی بتاتے ہیں ۔ وہ کہتے ہیں کہیں اس کابخوبی ذکر ہے اور پرانے زمانے میں ایک اندھے راجہ کے لئےگل بکاؤلی کا پھول حاصل کر کے اسکی دوا استعمال کرانے سے اس راجہ کو بینائی مل گئی تھی ۔
ان کہاوتوں کوسامنے رکھئے اور کو شش کیجئے گا کہ گردونواح کے تالابوں میں وہ نیلے رنگ کاپھول گل بکاؤلی والا آپ کو مل جائے جسے ہم کنول کہتے ہیں اور اس کنول کے پھول سے کنول کاشہد چھوٹی مکھی تیار کرتی ہے اور اسی شہد کو وہ وید دوست موتیا بند میں استعمال کراتا تھااور اسی نیلے پھول سے ہم جسے اپنی طب مخفی اور اسراری زبان میں گل بکاؤلی کا پھول کہتےہیں ، ہم ہومیوپیتھی کا ٹنکچر تیار کر کے شاید اس سے آگے بڑھ جائیں یا بہت کچھ مزید تجرباتسے حاصل کیا جا سکتا ہے۔ یہ بوٹی پھول “کنول”ہے۔
یہ بوٹی اکثر تالابوں میں پائی جاتی ہے اور اس پانی میں رہتے ہوئےبھی یہ بوٹی پانی کی ہر لاگسے دور ہو جاتی ہے، یعنی اسے پانی سے نکلال کر دیکھئے تو بلکل خشک نظر آئے گی اور پانی کاکوئی قطرہ اس پر نہ ہو گا۔اس کا پھول لمبی شاخوں پر ہوتا ہےاور یہ شاخ اندر سے کھوکھلی ہوتیہےجس میں پانی بھرا ہوتا ہے۔
دوسری طرف حکیم صاحب کے والد آنکھوں کے لئے جو ہومیوپیتھی کی دوا تیار کرتے تھے وہ کنولکے پھول سے نہیں بلکہ ایک آبی پودے
( Water Hyacinth) سے بناتے تھے جو پانی میں اُگتا ہے۔ اس کے پتے دبیز چکنے اور گہرے سبزرنگ کے ہوتے ہیں۔ اس کے پھول ھلکے نیلے یا جامنی بنفشئ رنگ کے ہوتے ہیں۔ کراچی کے گندےنالوں میں یہ پودا کثرت سے پیدا ہوتا ہے اور اکثر بے روزگار لوگ اس کو نالوں سے نکال کر دھو دھلاکر پتے ہرے کنچ چمکا کے کانچ کی خوبصورت پانی بھری بوتلوں میں سجا کر ھفتہ بازاروں یامارکیٹوں میں پھیری لگا کے سو سے دو سو روپے تک کا فروخت کرتے ہیں جہاں خواتین ان کیخوبصورتی سے متاثر ہوکر خرید لیتی ہیں۔ لیکن کیونکہ یہ کیچڑ کا پودا ہے اس لئے بوتل کے صافپانی میں پنپ نہیں پاتا اور چند دنوں میں سوکھ جاتا ہے۔ اردو میں اس کو سنبل آبی کہا جاتا ہے۔
 |
| سنبل آبی |
ہومیوپیتھی کی سینیریا میریٹیما:
جبکہ اصل ( Cineraria Maritima) نامی ایک الگ پھول ہوتا ہے. نیلے رنگوں میں بہت خوبصورتپھول جو ٹھنڈی سایہ دار جگہوں پر اچھی طرح پھلتا پھولتا ہے۔ یہ آبی پودا نہیں ہے۔ جھنڈ کیصورت ایک بہت خوبصورت باڑھ یا بارڈربناتا ہے۔ سینیریا سردیوں کے موسم کا پھول ہے۔ ہومیوپیتھی میں اس کا مدر ٹنکچر قرنیے کے دھندلے پن، نظر کا دھندلا پن، آنکھوں کی سوزش ، آشوبچشم آنکھوں کا تناؤ کےلئے استعمال ہوتی ہے۔
شوابے جرمنی کے مطابق سینیریا ماریٹیما پودے کے عرق کے قطروں پر مشتمل ہے: روایتی طور پرCMS کے قطرے قرنیہ اور لینٹیکولر دھندلاپن اور موتیابند کے ابتدائی مراحل کے کنٹرول کے لیےاستعمال کیے جاتے ہیں۔
اس کے علاوہ آنکھوں کی جلن کے علاج کے لیے؛ جیسے کہ آشوب چشم کی جلن اور کمپیوٹر کےضرورت سے زیادہ کام کی وجہ سے آنکھوں کا زیادہ دباؤ؛ پڑھنا اور ٹی وی دیکھنا؛ یا گاڑیوں کادھواں اور ماحولیاتی فضائی آلودگی موتیابند کے لیے Cineraria Maritima آنکھوں کے پٹھوں میںتناؤ کو کم کرتی ہے اور تھکاوٹ، سُرخی اور دیگر علامات کو روکتی ہے جو ریٹنا میں جلن کا باعثبنتی ہیں۔ یہ آشوب چشم اور بلیفیرائٹس، قرنیہ کی ابتدائی دھندلاپن، موتیا بند، آنکھوں کے زیادہدباؤ وغیرہ کے لیے تجویز کیا جاتا ہے۔ مزید معلومات کے کئے آپ اپنے ہومیو معالج سے مشورہکرسکتے ہیں۔
سکس سائنریریا Sixs sineraria
جرمن ہومیوپیتھک ڈاکٹرز نے اسے سائنریریا میریٹیما
Sineraria meritima
کا نام دیا ہے۔ عام زبان میں اسے Dusty miller کہا جاتا ہے۔
یہ پودا گرم علاقوں میں سمندری کناروں میں پایا جاتا ہے۔ یہ ہی وجہ ہے کہ اسے سنریریا میریٹیمایعنی سمندری سائنریریاکہا جاتا ہے۔ عام اصطلاح میں اسے سمندری ممیرا کہتے ہیں۔
ممیرا نام کی ایک جڑی بوٹی میرے والد صاحب مرحوم و مغفور دربار کاکا صاحب پشاور سے منگواکر سرمہ ممیرا بناتے تھے۔ جو آنکھوں کے اکثر امراض مثلاً موتیا، نظر کی کم زوری میں بڑا مفید ومؤثر ثابت ہوتا جب تک میرے والد صاحب زندہ رہے اکثر یہ سرمہ ( ان کے ہاتھ کا بنا ہوا) لوگ بہتدور دور سے طلب کرتے اور فیض پاتے۔ والد صاحب مرحوم و مغفور کی رحلت کے بعد ہمیں نہ ممیراملا نہ ہی کالا سرمہ ورنہ ہم بھی بنا کر فیض عام کا سبب بنتے۔
بات ہو رہی تھی سمندری ممیرا کی جو در اصل ایک عالمگیر حیثیت حاصل کر چکا ہے۔ آنکھوں کےامراض خاص کر سفید موتیا کے حوالہ سے۔
سمندری ممیرا Coptus کے خاندان سے تعلق رکھتا ہے۔ جس کے اندر کافی تناسب میں بربرسBerberis پائی جاتی ہے۔ جو کہ دار ہلد یعنی ہمارے کشمیر اور شمالی علاقہ جات کے علاوہ مریمیں پایا جانے والا جھاڑ " سمبلو' ہے۔
دار ہلد میں سوزش کو دور کرنے اور ورموں کو تحلیل کرنے کی صلاحیت موجود ہوتی ہے ۔
اسی وجہ سے سمندری ممیرا بھی سوزش اور اورام کے لیے خاص طور پر مشہور ہے۔ یہ ممیراصدیوں سے امراض چشم کے لیے مشہور ہے۔ چوں کہ مصر میں امراضِ چشم بکثرت ہوتے ہیں اسلیے یہ دوا صدیوں سے وہاں استعمال ہوتی آ رہی ہے۔ قدیم مصری کتب میں اس دوا کے حوالےموجود ہیں۔
جرمن ڈاکٹرز نے اس دوا کو مصریوں سے حاصل کیا اور اسے دیگر امراض کے علاوہ موتیا بند میںمفید پایا۔ جرمن لٹریچر میں اس کی تفصیل یوں بیان کی گئی ہے۔
" اس پودے کو سنریریا مارٹیمیا کا نام دیا جاتا ہے۔ اس کے تازہ رس سے جو دوا تیار کی جاتی ہےوہ ہی ادویاتی طور پر مستعمل ہے۔ اسے پہلے پہل مصریوں نے موتیا بند کے لیے شافی دوا قرار دیا۔تجربہ سے ثابت ہوا کہ یہ دوا آنکھ میں نمی اور دوران خون کو نارمل کرتی ہے۔ آنکھ کے عدسے اوررطوبت کو صاف کرتی ہی ہے بلکہ دھند کو دور کر کے بینائی کو تقویت دیتی ہے۔
یہ دوا صرف سوزش اور ضعف بصر میں ہی مفید نہیں بلکہ موتیا بند کے لیے بھی مسلمہ دوا ہے۔اور کسی بھی پیتھی میں موتیا بند کو روکنے کی کوئی دوا نہیں، لہذہ اسے یومیوپیتھس کے علاوہایلو پیتھک ڈاکٹرز اور ماہرین امراض چشم استعمال کرتے ہیں۔
یہ دوائی جڑی بوٹی ساحلی اور دریائی علاقوں میں برصغیر کے اکثر علاقوں میں پائی جاتی ہے۔
اسرائیل جیسے چھوٹے سے ملک نے اسے اپنے ساحلوں پر دریافت کیا اور اب اس کے فارم بنا کرپوری دنیا سے تجارت کرتا ہے۔
اسرائیل کی جنکا لیبارٹریز اسے بھاری مقدار میں تیار کر رہی ہے۔ اور پوری دنیا سے زر مبادلہحاصل کر رہی ہے۔
اب یہ حکماء حضرات اور ہومیو پیتھ معالجین کا کام ہے کہ وہ سفید کنول کے پھول اور سنبل آبیکے پھول پر بھی تجربات کریں اور معلوم کریں کہ آیا کہ یہ سینیریا سے زیادہ موثر ہیں یا نہیں۔اگر سفید کنول کے پھول پر پلنے والی مکھیوں کا تیار شدہ شہد آنکھوں کے امراض کے لئے مفیدثابت ہوسکتا ہے تو پھر اس پھول کا مدر ٹنکچر بھی موثر ہونا چاہئے۔ جن علاقوں کی جھیلوں میںکنول کے پھول بکثرت ہوتے ہیں وہاں شہد کی مکھیوں کی فارمنگ کرکے یہ مفید شہد بھی حاصلکیا جاسکتا ہے۔ دعوت عام ہے یارانِ نکتہ داں کے لئے!
کوئی تبصرے نہیں:
ایک تبصرہ شائع کریں