سرِ لامکاں سے طلب ہوئ!
پچھلے دنوں گلوکار علی ظفر کی گائ گئ نعت “ بلغ العلی بکمالہ” نے شہرت و مقبولیت کے ریکارڈتوڑ دئے۔ صرف علی ظفر کے یوٹیوب چینل پر اب تک تقریبا” 6 کروڑ بار دیکھی جاچکی ہے۔ لیکناس قوالی نما نعت پر سر دھننے والے نئ نسل کے اکثر نوجوان اس بات سے ناواقف ہونگے کہ یہنعت سب سے پہلے دراصل صابری برادران نے قوالی کی صورت میں گائ تھی اور یقینا” اس کیکمپوزیشن بھی صابری برادران نے ہی ترتیب دی تھی۔ صابری برادران بذات خود ایک عجوبہروزگار ھستیاں تھے۔ صابری برادران کے بعد غلام فرید صابری کے فرزند امجد صابری مرحوم نےیہ قوالی اپنے والد کے انداز میں گائ ۔ اس نعت کے شاعر حضرت عنبر شاہ وارثی ہیں۔ حضرت عنبرشاہ وارثی بذات خود بھی ایک عجیب پراسرار شخصیت کے مالک تھے۔ حضرت عنبر علی شاہرحمت اللہ علیہ وارثی نسبت کے حامل احرام پوش فقیر تھے آپ کا مزار دھوبی گھاٹ کراچی کےپاس ہے ۔ عنبر شاہ وارثی نے یہ نعت کیسے لکھی تھی یہ بھی ایک بہت عجیب و غریب واقعہ ہے۔
اس نعت کے شاعر جناب عنبر شاہ وارثی کا عجیب واقعہ:
ہمارے محترم جناب محمد اقبال دیوان صاحب نے اپنی کتاب '' جسے رات لے اڑی ہوا'' میں ایکواقعہ تحریر کیا ہے۔وہ بتاتے ہیں کہ۔
ایک دن وہ ایک بڑے سے دفتر کے ایک چھوٹے سے کمرے میں بیٹھے ہوئے تھے جہاں کبھی کراچیکے میئر بیٹھا کرتے تھے۔ فون بجا تو ایک دفتری ساتھی نے اطلاع دی کہ مشہور زمانہ قوالی "سرِلامکاں سے طلب ہوئی، سوئے منتہا وہ چلے نبیؐ، کوئی حد ہے ان کے عروج کی" کے خالق حضرتعنبر شاہ وارثی تشریف لائے ہیں۔ مشہور قوال برادران غلام فرید مقبول صابری نے اسے گا کر امرکردیا ہے۔ دفتری ساتھی انہیں دیوان صاحب والے دفتر میں لے آیا۔ اس وقت عنبر شاہ وارثی کیعمر اسّی برس کے لگ بھگ تھی۔صحت اب بھی اچھی تھی۔ آنکھوں میں مسحور کردینے والیچمک اور شخصیت میں ایک جکڑ لینے والی گرفت تھی۔
دیوان صاحب نے ان سے اس لاجواب نعت جو تب تک ایک قوالی کا روپ دھار کر بہت شہرت اختیارکرچکی تھی اس کے سرزد ہونے کی واردات قلبی کا پوچھا۔ ارشاد فرمایا وہ ایک دن مسجد نبویکے صحن میں عشا پڑھ کر بیٹھے تھے۔ دل پر یہ بوجھ تھا کہ ایک عمر گزری شاعری کرتے پر رسولاکرم ﷺ کی ذاتِ طیّبہ پر کچھ ایسا کلام نہ کہہ سکے کہ زبان زدِعام ہو جائے۔
دل میں بہت سا حسد حضرت امیر خسرو سے بھی تھا کہ دوہے اور گیت، راگ اور ساز ہی ان کیشہرت کے لیے کیا کم تھے کہ وہ دلوں کو برمانے والی نعت بھی ان سے لکھوادی۔ حسد اور یاس کایہ معاملہ عنبر شاہ صاحب تک محدود نہ تھا۔ خود امیر خسروؔ بھی ایک دن اپنے مرشد حضرتنظام الدین اولیا کے سامنے باب شکوہ کھول کر بیٹھ گئے کہ ایرانی فارسی گو ابو مسلم عبداللہالشیرازی المعروف بہ حضرت شیخ سعدی نے حیرت ناک طور پربغداد کے مدرسۂ نظامیہ کی سیکھیہوئی عربی میں (جس میں ان کا کوئی اور کلام دستیاب نہیں) چار مصرعوں کی ایک رباعی (بطرزنعت) لکھی جو ہمہ وقت لوگوں کے گھروں اور محافل میں پڑھی جاتی ہے۔ محبوب الٰہی ؓ یہ سن کرمتبسم ہوئے اور آپ نے دعا دی کہ تم بھی کچھ ایسی ہی نعت لکھو گے کہ بعد کے آنے والے رشککریں گے۔ گو سعدی کی اس نعت کا مقام تو بہت بلند ہے۔ حضرت شیخ سعدیؒ نے جو نعت لکھی ہےوہ تو فرشتوں کی محافل میں بھی پڑھی جاتی ہے۔
بلغ العلٰی بکمالہ
آپ کے کمالات بھی بہت اعلیٰ مرتبت تھ
کشف الدجیٰ بجمالہ
آپ کے کردار کے جمال سے ظلمت دور ہوگئ
حسنت جمیع خصالہ
اعلی ترین انسانی خصائل آپ کا وصف تھے
صلو علیہ و آلہ
آپ پر اہل پر سلامتی اور رحمت ہو
اس تذکرے اور دعا کے بعد روایت ہے کہ امیر خسرو پر ایک ایسا عالم کسی شب طاری ہوا کہ انہوںنے وہ مشہور نعت لکھی کہ
نمی دانم چہ منزل بود، شب جائے کہ من بودم
نہ جانے کیا مقام تھا، جہاں کل شب میں تھا
بہ ہرسو رقصِ بسمل بود، شب جائے کہ من بودم
ہر سو زخمی اہل دل،مانند پروانوں کے تڑپتے تھے
حضرت عنبر شاہ وارثی فرمانے لگے کہ یکایک ان کی نگاہ آسمان پر اٹھی، جہاں انہیں یہ الفاظلکھے دکھائی دیے اور انہوں نے جیب سے ڈائری نکال کر قلمبند کرلیا۔ اگر آپ غور فرمائیں تو امیرخسروؔ کا یاد آنا اور اس حوالے سے حضرت عنبر شاہ وارثی کی یہ فر مائش اور پھر یہ نعت کاوجود میں آنا کہ جس کا ماحول اور جذب وہ شب معراج والاہی ہے جو امیر خسرو کی نعت کا ہے کہ
سہانی رات تھی اور پُراثر زمانہ تھا
اثر میں ڈوبا ہوا جذبِ عاشقانہ تھا
انہیں تو عرش پر محبوب کو بلانا تھا
طلب تھی دید کی، معراج کا بہانہ تھا
سرِ لامکاں سے طلب ہوئی
سوئے منتہا وہ چلے نبی
کوئی حد ہے، ان کے عروج
حضرت عنبر شاہ رحمتہ اللہ علیہ کا تصوف میں طریق سلسلہ وارثیہ رہا اور آپ بھی ایک احرامپوش بزرگ تھے اور نسبی اعتبار سے آپ کا تعلق سید السادت گھرانے سے ہے۔ آپ کی پیدائش سن1906ء میں حضرت وارث پاکؒ کے وصال کے ایک سال بعد اجمیر شریف میں ہوئی، آپ کا خاندانینام سیدعنبر علی ہے اورعنبر آپ کاتخلص بھی ہے مگر شہرت عنبر شاہ وارثی ؒکے نام سے پائی ۔آپکے والد کا نام سید ظہور حسن چشتیؒ تھا جو سلسلہ چشتہ کے ایک معروف بزرگوں ہونے کےعلاوہ ایک جید عالم دین بھی تھے۔
سلسلہ وارثیہ منسوب بہ حضرت حاجی وارث علی شاہ المعروف حضرت وارث پاکؒ (وصال 30محرمالحرام 1323ھ بمطابق 5 اپریل 1905ء) تصوف کا ایک منفرد سلسلہ ہے۔ اس سلسلے کےپیروکاروںکی سب سے بڑی نشانی یہ ہے کہ یہ لوگ عام طور پر زرد رنگ کا احرام زیب تن کیے رہتے ہیں ۔ اسسلسلہ عالیہ میں احرام کے لیے زرد رنگ کو اس لیےمنتخب کیا گیا ہےکہ اہل فنا کو خاک سے ایکخاص نسبت ہوتی ہے اور خاک کا رنگ زرد ہے ۔ اس سلسلے میں احرام پہنے کا ایک مقصد یہ بھیہے کہ جو پابندیاں ایک احرام باندھنے والے پر حج و عمرہ کے دوران وقتی طور پر عائد ہوتی ہیں وہایک احرام پوش فقیر پر ساری زندگی کے لیے نافذالعمل ہوجائیں۔
حضرت عنبر شاہ وارثی ؒ کوحضرت وارث پاک ؒکے سلسلے کے ایک احرام پوش درویش ہونے کے علاوہآپ کی وجہ شہرت آپ کی اردو زبان میں ایک مقبول نعت ہے جو آپ نے کہی تھی اور اس نعت کوصابری برادران قوال نے برطانیہ کی ایک محفلِ سماع میں قوالی کے طور پر پیش کیا تو حاضرینکے دِلوں پر سحر اور وجدانی کیفیت طاری ہوگئی تھی۔ اس کے بعدصابری برادران ہر محفل میںیہی قوالی پیش کرنے لگے تھےاور یہ نعت ان کی شہرت کا ذریعہ بھی بنی:
حضرت عنبر شاہ وارثیؒ کا وصال بروز پیر 5مئی 1993ء کو ہوا ، آپ کا مزار دھوبی گھاٹ کراچیکے پاس ہے ۔اپ کی خانقاہ شریف کے سجادہ صاحب نسبت احرام پوش صوفی سید دلبر شاہکاظمی وارثی شاعر ادیب مصنف جمال قطب عالم متولی مزار قطب عالم شاہ بخاری رحمت اللہعلیہ (بندر روڈ کراچی) تھے جو جنوبی افریقہ میں لاپتہ ہو گئے ۔
Sanaullah Khan Ahsan
#sanaullahkhanahsan
#سرلامکاں_سے_طلب_ہوئ
#کوئ_حد_ہے_ان_کے_عروج_کی
کوئی تبصرے نہیں:
ایک تبصرہ شائع کریں