تیرا حُسن دھویں دار جیسے جلتا سِگار حقہ بار!Hookah Bar
ایک زمانہ تھا کہ جب گاؤں کی چوپال میں لوگ رات کے وقت حُقے کے گرد بیٹھ کر باری باری حقےکی نے ہونٹوں میں دبا کر کش پر کش لگاتے اور حالات حاضرہ پر تبصرہ کرتے۔ بلکہ یہ چوپال کیروایت گاؤں میں اب بھی برقرار ہے۔ گو کہ ٹی وی اور چنلز کی بھرمار اور موبائل فون میں موجودانٹر نیٹ نے نوجوانوں کی توجہ اپنی جانب مبذول کرالی ہے لیکن اکثر عمر رسیدہ افراد اب بھی راتکو یہ چوپال جماتے ہیں۔ سردیوں میں یہ چوپال عام
ر پر گوبر اور مٹی سے لپی دیواروں اور پرالیا سرکنڈےو لکڑی کی بلیوں سے بنی چھت والے کمرے میں اور گرمیوں میں باہر موجود احاطے میںجمتی ہے۔ جس کے ایک کونے میں مویشیوں کا باڑہ بھی ہوتا ہے۔ آس پاس کھڑے درخت نیم تاریکیمیں ایسے لگتے ہیں جیسے کہ جنات بازو پھیلائے کھڑے ہوں۔ دھوئیں اور گرد سے دھندلائےساٹھواٹ کے بلب کی مدقوق روشنی کو مزید دھندلاتی کسی کونےسےاٹھتےسوکھے گوبر اور نیم کےپتوں کے سلگتے دھوئیں کی دھند جس کی کڑوی باس حقے کے دھوئیں کی مہک میں گڈ مڈ ہوجاتی ہے۔ یہ کڑوا دھواں گرمی سردی لازمی ہوتا ہے کہ مچھروں کو بھگانے کے لئے یہی بہترین حلسمجھا جاتا ہے۔ پورے ماحول پر یہ کڑوا کہرا چھایا ہوتا ہے۔ ساتھ ساتھ جانوروں کے چارے کےلئے بنائی گئ گھاس کی کُٹّی اور مٹی کی ناند میں کھٹی چھاچھ میں بھیگے بھوسے کی بو ، حقےکے گرد چارپائیوں اور مونڈھوں پر بافراغت بیٹھے افراد کے پائوں اور کچے چمڑے کے بنے جوتوں کیسڑاند اس ماحول کو مزید بوجھل بنا دیتی ہے۔ یہ فیصلہ کرنا مشکل ہو جاتا ہے کہ یہ جوتوں کیسڑاند پیروں سےاٹھ رہی ہے یا پیروں کی سڑاند جوتوں سے؟
رات کے پرسکون سناٹے میں رہ رہ کے گونجتی حقے کی گڑ گڑ اور محو گفتگو افراد کی بڑ بڑ ایکعجیب خواب سا ماحول پیدا کردیتی ہے۔ ایسا لگتا ہے جیسے وقت تھم کر صدیوں پیچھے چلا گیاہے۔ کسی بیل کے گلے میں بندھی پیتل کی گھنٹی کی ٹن ٹن یا بھینس کے گلے میں بندھی فولادیٹل کی کھڑک چند لمحوں کے لے اس ماحول میں اپنا حصہ ڈال کر اسے مزید پراسرار بنا دیتی ہے۔ ساتھ ساتھ کسی گائے یا کٹّے کے ہلکے سے ڈکرانے کی آواز یا میمنے کی منمناہٹ یہ احساسدلاتی ہے کہ یہاں صرف انسان ہی نہیں بلکہ دوسری مخلوق بھی موجود ہے۔
ان چوپالوں میں حالات حاضرہ اور ملکی سیاست پر سیر حاصل تبصرے، کرپٹ سیاستدانوں کوسر عام پھانسی کے مشورے کو بوجہ کرپشن پھانسی پر لٹکانے اور حسب پسند وہ حسب ذائقہکھٹی میٹھی گالیوں سے نوازنے کے ساتھ ساتھ کسی سیاسی یا شوبز سے تعلق رکھنے والی پاپولرخاتون کے ساتھ اپنی نا آسودہ خواہشات کو عملی جامہ پہنانے کی آرزو میں چند غلیظ اور گنجلکگالیوں سےذہنی تسکین پہنچانے تک ، اور کرکٹ سے لے کر کھاد اور بیج کی فراہمی تک مختلف اورہمہ جہت موضوعات پر اپنی اپ ٹو ڈیٹ معلومات جن میں سچائ دس حصے اور ذاتی خواہشات نوےحصہ شامل ہوتی ہیں پر سیر حاصل تبصرہ کیا جاتا ہے۔ کسی سے اختلاف رائے کی صورت میںایک دو موٹی گالیاں دے کرحساب چکتا کر لیا جاتا ہے۔ جیسے جیسے حقہ ٹھنڈا ہوتا جاتا ہے ویسےویسے لوگ الوداعی کش لگا کر باری باری ایک دوسرے کو ہوشیار اور بخیریت رہنے کی تلقین اوربشرط زندگی اگلی رات پھر ملنے کی دعا کے ساتھ رخصت ہوتے جاتے ہیں۔ سب سے آخر میں حقےوالا بابا بھی چارپئ پر لیٹے لیٹے ٹھنڈے حقے کی نے منہ میں لئے انٹا غفیل ہو جاتا ہےلیکن گاہےبگاہے اس کی دمہ والی کھانسی کی کھوں کھوں سناٹے میں مخل ہوتی رہتی ہے۔
حقے کی ابتدا
حقے کی ابتدا ظاہر سی بات ہے تمباکو کی دریافت کے بعد ہی ہوئ ہوگی۔ تمباکو کی دریافت کوپانچ سو سال ہوئے ہیں۔ اس سے پہلے تمباکو صرف امریکہ کے ریڈ انڈینز بانس کے سلفے میں رکھکر کش لگاتے تھے۔ جب اپنے چاچا کولمبس انڈیا کے چکر میں امریکہ جا پہنچے تو دیکھا کہ مقامیلوگ ایک پودے کے پتوں کا رول بنا کر اس کے اگلے سرے کو سلگا کر اس کا دھواں اپنے پھیپھڑوںمیں اتارتے ہیں۔ یوں پوٹیٹو، ٹومیٹو اور پامیٹو کے ساتھ ساتھ ٹوبیکو بھی مہذب دنیا میں متعارفہوا۔ یورپ میں مقبولیت کے بعد یہ ایشیا پہنچا اور پھر برصغیر سے ہوتا ہوا مشرق وسطی تکپہنچا۔اس سے پہلے برصغیر اور ایشیا کا مقبول عام نشہ افیون یا شراب تھی۔ راجوں مہاراجوںاور نوابوں سے ہوتا ہوا تمباکو عوام تک منتقل ہوا۔
سگریٹ آنے کے بعد مہزب معاشرے نے حقے کی جگہ اسے اپنا لیا اور حقہ گائوں دیہات تک ہیمحدود ہو گیاکہ اس میں چلم پانی کوئلوں اور تمباکو کا جھنجھٹ نہ تھا۔ ورنہ حقہ اس قدر مقبولہو چکا تھا کہ مغل بادشاہ بہادر شاہ ظفر باقاعدگی سے دوپہر اور رات کے کھانے کے بعد حقہنوشی کرتے تھے۔ مغل دربار میں یہ بھنڈا کہلاتا تھا۔ لیکن مشرق وسطی میں حقے کی مقبولیت میںکمی نہ آئ۔ ترکی ایران لبنان یمن اور شام میں حقہ قہوہ خانوں کا لازمی جز بن گیا۔ ترکی اورایران میں چھوٹے بڑے قہوہ خانوں میں لوگ آج بھی حقے کے کش لگاتےہیں اور یہ وہاں کی ثقافتکا یک اہم جز ہے۔
پاکستان میں شیشے کی یلغار مشرق وسطی سے ہی ہوئ ۔ پہلے پہل کچھ کڑاھی اور بار بی کیوریسٹورنٹس نے حقہ متعارف کروایا۔ شروع شروع میں یار لوگوں کے لئے یہ ایک شغل میلے کیچیز تھی کہ آرڈر تیار ہونے تک حقے کے کش لگانا ایک تفریح محسوس ہوتی تھی۔ خواتین بھی استفریح کوایک دو کش لگا کر انجوائے کر لیا کرتی تھیں۔ پھر رفتہ رفتہ حقہ بارز وجود میں آتے گئے۔امپورٹڈ فلیورڈ تمباکو اور شیشے کے انتہائ نفیس و خوبصورت حقے جنہیں عرف عام میں شیشہکہا جاتا ہے نمودار ہوئے۔ دیکھتے ہی دیکھتے نوجوان ان کے شیدائ بن گئے۔ ان کی بڑھتی تعداداور مضر صحت ہونے کی وجہ سے حکومت کو ان پر پابندی لگانی پڑی۔
کراچی میں بلکہ شاید پورے پاکستان میں ان حقہ بارز یا شیشہ بارز پر پابندی ہے لیکن کراچی کےپوش علاقوں میں یہ بارز دھڑلے سے چل رہے ہیں۔ پیسٹل کلرز کی دھیمی روشنی والے ان حقہ بارزکا خوابناک ماحول اور اور ائر کنڈیشنر کی خنکی والی فضا میں رچا بسا دھواں۔ کہنے کو تو یہبارز ٹھنڈے اور گرم مشروبات پیش کرتے ہیں جن میں چھپ چھپا کے بیئر کے کینز بھی سرو کئےجاتے ہیں۔ ان بارز میں عام مشروب کی قیمت بازار سے دگنے تگنے دام وصول کی جاتی ہے۔ کچھبارز ممنوعہ اشیا جیسے کہ چرس، ھیروئن اور دیگر نشہ آور اشیا کی سپلائ میں بھی ملوث ہیں۔
ایسا ہی ایک بار بالکل میری رہائشگاہ کے سامنے موجود ہے۔ بلڈنگ کے گراؤنڈ فلور پر واقع یہ باربہت خوبصورتی سے ڈیزائن کیا گیا ہے۔ فرنٹ پر پورا گلیزڈ گلاس لگا ہوا ہے۔ دروازے پر باوردیاسلحہ بردار گارڈ۔ دھندلے شیشوں پر آبشار کی مانند بہتا پانی۔ اندر داخل ہو تو باہر کی چکاچوند سورج کی روشنی کے باعث اندر کے نیم اندھیرے ماحول میں کچھ لحظے کے لئے آنکھیںدیکھنے کے قابل نہیں ہوتیں لیکن مشاق ویٹر آپ کو آپ کی سیٹ تک پہنچا دیتے ہیں۔ جب آپ کچھدیکھنے کے قابل ہوتے ہیں تو دیکھتے ہیں کہ ہر چار سیٹ والی ٹیبل کو گلیزڈ شیشے کی دیواروںسے پارٹیشن کر دیا گیا ہے۔ائیر کنڈیشن سے یخ بستہ ماحول میں ہلکی ہلکی باتوں کی بھنبھناہٹاور وقتا''فوقتا'' گونجتے مدھم سریلے قہقہے۔۔۔ دھوئیں ، پرفیومز اور ائیر فریشنرکی مہک اورمشروبات کے گلاسوں کی کھنک۔۔۔۔ سب سے پہلے ویٹر آپ سے مشروب کا آرڈر لینے آتا ہے۔مشروب سرو کرنے کے کچھ دیر بعد وہ اصل سوغات پیش کی جاتی ہے جس کے لئے آپ کی اس بارمیں تشریف آوری ہوئی تھی یعنی نفیس بلوریں شیشہ یا حقہ۔۔۔ چھوٹی سے چلم کے اوپر سلگتےانگاروں کے درمیان ایلمونیم فوائل میں لپٹا فلیورڈ قوامی تمباکو۔ تمباکو میں بھی مختلف فلیورزدستیاب ہیں جیسے کہ ایپل، پیچ، سگار، ورجننیا ٹوبیکو، وغیرہ۔ ساتھ میں نفیس ٹشو پیپرز کا ڈبہتاکہ جب آپ شیشے کی نے پر اپنے ہونٹ رکھ کر کش لگائیں تو اس پر ٹشو لپیٹ لیں۔
کیونکہ حقہ بار میں شاذ و نادر ہی کوئ اکیلا شخص آتا ہے۔ اکثر کپلز ہوتے ہیں یا گروپ کی صورتمیں یار دوست۔ پیسٹل کلرز کی مدھم روشنی میں میک اپ زدہ چہرے مزید دلآویز ہو جاتے ہیں۔ساتھ ساتھ سراؤنڈ ساؤنڈ پر ہلکی آواز میں بجتا فل کولنز یا سیویج گارڈن کا کوئ بہت ہیرومینٹک نغمہ رہی سہی کسر پوری کردیتا ہے اور انسان خود کو رومانوی جذبات و احساسات میںغوطہ زن پاتا ہے۔ اکثر لڑکیاں جھجکتے ہوئے نزاکت سے پہلا کش لگانے کے بعد کھانستی نظر آتیہیں جس کو ان کے ساتھ آیا بوائے فرینڈ ان کی کمر پر ہاتھ پھیر کر اس اچھو کو روکنے کی کوششکرتا ہے۔ لیکن جب اس کا ھاتھ میدانی علاقے سے نکل کر سطح مرتفع کی جانب پیش قدمی کرنےلگتا ہے تو گرل فرینڈ سیدھے ہوکر اس کو مزید دست درازی سے روک دیتی ہے۔ دو تین گھونٹمشروب پینے کے بعد دوسری اگلا کش لگایا جاتا ہے۔ ان میں سے کچھ ایسی بھی ہوتی ہیں جو پہلےہی شیشہ پی چکی ہوتی ہیں لیکن بوائے فرینڈ کو یہ جتانے کے لئے کہ پہلی مرتبہ یہ چیز دیکھی ہےایسا زوردار اچھو مارتی ہیں کہ آسکر ایوارڈ دینے کو دل کرتا ہے۔ کچھ کپلز ٹشو پیپر کا تکلف گوارانہیں کرتے کہ گرل فرینڈ کی لپ اسٹک کے نشان پر ہونٹ رکھ کر کش لینے کا جو لطف اورمحسوسات ہیں وہ بھلاٹشو پیپر میں کہاں!!
صاحبو ان بارز میں آنے والوں میں اسی فیصد ٹین ایجرز ہوتے ہیں ۔ کالج یا سکول کے طلبا وطالبات۔ اس علاقے میں تمام بڑے پرائیویٹ اسکولز کی برانچز اور پرائیویٹ یونیورسٹیز کے کیمپسزموجود ہیں جہاں سے اکثر پریم دیوانے اس گوشہ عافیت میں اپنا غم غلط کرنے آتے ہیں۔
اکثر ایسا بھی ہوتا ہے کہ سترہ اٹھارہ برس کے سنی یا وکی ٹائپ نوجوان تنگ پائجامے نما جینز ،ٹائٹ ٹی شرٹ، کلائ میں پڑے کئ فرینڈ شپ بینڈز ، اپنے ڈیڈی کی کمائ کی ہونڈا سوک میں اسبار کے باہر دھڑا دھڑ اپنے آئ فون پر ٹیکسٹ میسیجز کرتے ہوئے بے قراری سے کسی کا انتظارکر رہے ہوتے ہیں۔ کچھ دیر بعد ایک رکشے میں ایک یا دو سولہ سترہ برس کی مہوش ٹائپ لڑکیوںکی آمد ہوتی ہے۔ آدھے چہرے اور آنکھ کو ڈھانپے ہوئے شیمپو و کنڈیشنر شدہ ریبائونڈڈ تراشیدہ زلفوں کو ایک ہاتھ سے ہٹاتے ہوئے یہ مہوشیں اٹھلاتے ہوئےفرنچ پرفیوم کے بھپکے اڑاتی رکشہ سےاترتی ہیں۔ بعضی زلفوں کو ہاتھ سے ہٹانے کا تکلف بھی نہیں کرتیں بلکہ زلفوں سے ڈھکی آنکھسے دیکھنے کے لئے گردن کو ایک خاص زاویے پر ٹیڑھا رکھتی ہیں جس سے بال اتنے ہٹ جاتے ہیںکہ آنکھ سے نظر آتا رہے۔ مسکارا اور آئی لائنر سے سجی آنکھیں۔ گالوں پر بلش آن۔ گلوسڈلپاسٹک معہ آؤٹ لائن کچھ اس اسٹائل میں کہ اپر لپ اپنی عام موٹائ سے ڈبل اور اٹھا ہوا دکھائیدے۔ تنگ ٹائٹس یا سنگھاڑے کی گری جیسے ٹخنوں سے اونچے کپریز میں گوری چکنی پنڈلی کیجھلک اور ہائ ھیلز والے سینڈلوں میں پھنسے سفید کبوتروں جیسے نازک پاؤں جن کے سلیقے سےترشے ناخنوں پر گہری چمکدار کیوٹیکس گویا چھوٹے چھوٹے یاقوت جڑے ہوں۔ اسٹائلش سی کُرتییا چھوٹی سی ٹی شرٹ میں ملبوس ، جلدی جلدی پلکیں جھپکاتے ہوئے یہ کہتے ہوئے اپنی دیرسے آنے کا جواز پیش کرتی ہیں۔۔۔۔ ''سوری وکی۔۔۔۔۔۔۔ یو نو نا۔۔۔ ٹھو مچ ٹریفک۔۔۔۔۔ ٹوٹلیجیمڈ۔۔۔۔ بڑی مشکل سے ماما کو کنونس کیا بک فیئر میں جانے کے لئے۔۔۔۔ گوش!!! '' وکی ساریکوفت بھول کر دانت نکالتے ہوئے رکشہ کا کرایہ ادا کرتے ہیں اور اپنی گوری کا ہاتھ تھام کر بار کیسیڑھیاں چڑھنے لگتے ہیں ۔
تیرا حسن دھواں دھار جیسے جلتا سگار
ہائ ہیلز کی وجہ سی کبھی کبھی کسی مہوش کا پائوں مڑ جاتا ہے اور وہ آؤچ کہہ کر گرنے ہیوالی ہوتی ہے کہ وکی کی بانہیں اس کو تھام لیتی ہیں۔ دوسری مہوش یا تو بیگانی شادی میںعبداللہ دیوانہ ہوتی ہیں یا کچھ دیر بعد ان کے ساتھی بھی آکر جوائن کر لیتے ہیں۔
ان بارز میں ایسے گھاک کھلاڑی بھی آتے ہیں جو لڑکیوں کو اپنے جال میں پھنسا کر پہلے شیشہاور پھر اس کے ساتھ حشیش یا ھیروئن پر بھی لگا دیتے ہیں۔ اس کے بعد انگلیوں پر نچانے کاکھیل شروع ہوتا ہے۔
یہ تماشہ روزانہ دوپہر بارہ بجے سے رات گئے تک میرے سامنے ہوتا ہے۔ بے شمار ڈرامے اور نقشہبازیاں۔ اکثر لڑکے لڑکیوں کے گروپز بھی آتے ہیں۔ ان لڑکیوں کی خود اعتمادی قابل دید ہوتی ہے۔شاید ہی چند ایسی ہوتی ہیں جو شرماتے اور جھجکتے ہوئے پائ گئی ہوں ۔ اکثر ٹین ایجرز طلبابھی گروپ کی شکل میں اس بار میں آتے ہیں ۔
پولیس کی وین بھی آتی ہے لیکن کچھ دیر رک کر اپنی سلامی لے کر چلی جاتی ہے۔ سوچتا ہوں کہکسی دن میں بھی اس بار میں جا کر شیشے کے دھوئیں سے گول گول چھلے بنائوں لیکن کیا کروںکہ میرا ساتھ دینے کے لئے کوئ مہوش کوئ نوشی نہیں۔!!!
#sanaullahkhanahsan
#ثنااللہ_خان_احسن
Sanaullah Khan Ahsan
#حقہ_بار
#شیشہ_بار
#hookahbar
#shishabar
3/12/2022
کوئی تبصرے نہیں:
ایک تبصرہ شائع کریں